TACLOBAN CITY – Patay an usa nga construction worker mahuman nga makuryente samtang nagtratrabaho.
Ginkilala an biktima kan Ariel Honrejas, 43-anyos an pangidaron, construction worker, ngan residente han Purok Guavano, Brgy. 3, Upper Nula Tula, Tacloban City.
Sumala kan PMaj. Marjorie Manuta, Information Officer han Tacloban City Police Office, aksidente nga nakuryente an biktima samtang nakadto ine ha bawbaw han atop.
Basar han inisyal nga imbestigasyon, syahan nga adlaw hiton biktima ha iya trabaho han mahinabo an nasabi nga insidente. Nakadto daw an biktima ha bawbaw han atop kun diin ha oras han panhitabo in mayda daw ginduduhol nga kahoy ngada han biktima han waray ine igsarabot nga mayda live wire ngada han iya gintutukdawan kun diin dumukot ine ngan nahulog.
Mababaruan nga nadara pa an biktima ha ospital pero gindeklara ine nga dead on arrival.
