TACLOBAN CITY – Ginpahibaro han Land Transportation Franchising and Regulatory Board LTFRB Region 8, nga usa ha mga resiketos han Public Utility Vehicle (PUV) modernization an consolidation of franchise.
Sumala kan Veronica Reposar, Information Officer hiton Land Transportation Franchising and Regulatory Board Regional Office 8, nga ha pag-abot hiton Disyembre 31 in kinahanglan nga makapagpa-consolidate na an mga individual nga drivers ngan operators o makabulig na ha mga asosasyon han mga operators.
Dugang pa hine, nga kun dire ngani an mga drivers ngan operators makabulig ha mga consolidated associations pag-abot hiton Disyembre 31 in dako an posibilidad nga dire na an mga ine matagan hin provisional authority.
Mababaruan nga yana nga adlaw Disyembre 18, utro nga nagpatuman hin tigil-pasada an mga pampasaheros nga jeepney ha Manila, ngan ine in magdudugay kutob Disyembre 29, kasumpay na gihapon ha panawagan nga dire igdayon an pagmodernisa han mga pampubliko nga sarakyan.
