NATIONAL–Umaro hin travel clearance hi Davao City First Representative Paolo Duterte in pagbiyahe ha 17 ka nasud tikang han ika 15 han Disyembre kutob han ika 20 han Pebrero.
Ha surat nga ginpadara han opisina ni Houe Speaker Faustino “Bojie” Dy III han ika 1 han Disyembre, siring ni Duterte nga plano niya kumadto ha Hong Kong, China, Malaysia, Indonesia, South Korea, Japan, Singapore, Vietnam, Cambodia, United States, Australia, United Kingdom, Germany, France, Belgium, Italy, ngan ha Netherlands, kun diin naka-detene an ira tatay nga hi anay Pangulong Rodrigo Roa Duterte.
Ginduon hini nga kalugaringon niya kwarta an gagastoson ha biyahe ngan waray gagamiton tikang ha pondo han gobyerno.
Hangyo gihappon niya nga tugotan hiyanga kumadto ha mga plenary sessions ngan mga hearing han Kamara pinaagi hiton virtual samtang nagpapabilin ha abroad.
