-- Advertisements --
ENTERTAINMENT – Napiritan hi Beyoncé nga undangon an iya konsiyerto ha Houston katapos tumagilid ha kahanginan an props nga kotse nga iya ginsasakyan.
Lakip ha mga props han show an usa nga kotse kun diin samtang nalingkod hi Beyoncé ha ere, in tigda ini nga tumagilid.
Tungod han iya kakalas, hi Beyoncé — nga 43 anyos na yana — in napiritan nga umaro hin bulig tikang ha mga crew.
Ha luyo hini, in nakag-intrimis pa an singer ha mga fans, nga kon mahulog man daw hiya, sigurado nga masasalud hiya han mga taga-suporta.
Diri naman ini an syahan nga higayon nga nagkaada problema an iya props.
Dida han 2018, nagkaproblema an iya moving platform ha entablado salit napiritan hi Beyoncé nga gumamit hin hagdan.
