TACLOBAN CITY – Gintagan-duon ni House Deputy Majority Leader ngan Iloilo Rep. Janette Garin nga kinahanglan himuon an compromised version para ha minimal annulment fee kun dire matugot an Senado ha bersyon han House of Divorce Bill.
Hi Garin in kaupod han mga magbabalaud nga bumutos hin “yes” ha House Bill (HB) 9349, o an balaudnon nga Absolute Divorce Act.
Gin aprubahan na han House of Representatives an nasabi nga balaudnon ha ikatulo ngan urhi nga pagbasa nga mayda 131 affirmative votes, 109 negative votes, ngan 20 abstentions.
An HB 9349 in may panuyo nga maghatag hin absolute divorce kumo usa nga legal remedy para ha “irreparably broken marriages.”
Samtang, pabor naman an grupo an Oriang Women kasumpay han nasabi nga balaudnon mahitungod nga para daw gihapon ine ha ikauupay han mga kababayin-an ngan pamilya nga karuyag na hin mahimyang nga kabutang ha kada tagsa-tagsa.
