TACLOBAN CITY – Mas papahuruguton han Tacloban City Health Office an ira pagdumara han community dengue brigade ha syudad agud nga malikayan an paghinitaas han kaso han mao nga sakit.
Sumala kan Dra. Gloria Fabrigas, head han Tacloban City Health Office, ini in pinaagi han ira pakigsumpayan ha City DILG kun diin sunod nga semana in magtitikang an operasyon han ginbug-os nga volunteer surveillance officers ha kada barangay.
Ini in ginkakalakipan han Brgy. Nutrition Scholar, brgy. health worker, ngan service point officer.
An mga ini in nakatuka ha pagpanginano ha kada barangay ngan pagdumara han mga aktibidad ala kontra ha dengue.
Utro naman ini nga nanawagan ha mga molopyo nga maging responsable ha paglimpyo ha tagsa tagsa nga mga bungsaran labi na gud pinaagi han pagdistroso ha mga surok nga pwede pagbonayan hin lamok nga kawsa han sakit nga dengue.
