NATIONAL – Gin sigurado han Commission on Elections (COMELEC) nga ira igti-take down an mga unregistered social media accounts han mga kandidato.
Kasumpay hine, igin pagawas na gihapon han nasabi nga komisyon an listahan han mga aprubado nga social media accounts nga pwede gamiton han mga kandidato ngan party-list organizations ha ira pangangampanya.
Subay ha datos han poll body, ada ha 85 nga party-list organizations la an naaprbahan tikang ha 155 nga kabug-usan nga ihap hine.
Samtang, 29 nga mga senatorial candidates la an aprubado tikang ha 66 nga kabug-usan nga ihap hine.
Gin pahayag naman ni COMELEC Chairman Garcia nga usa ha mga rason kun kay-ano dire naaprubahan an ira mga social media accounts in mahitungod nga dire kompleto an ira nga ginpasa nga rekisitos ha komisyon.
Gintagan-duon naman hine nga dire na nira aabrihan utro an registration mahitungod nga magigin unfair ine ha mga nakag-comply dida han syahan nga deadline.
Samtang, ha pagti-take down han mga accounts, bisan paman kun madagmit na ine nga maipapatanggal pinaagi han ira Task Force KKK sa Halalan ngan partnership ha mga social media platforms, in ginmalatumat ni Garcia nga paparad-an la gihapon nira ine hin notice to remove, ngan magigin discretiion han mga kandidato ngan party list organizations kun tatanggalon nira an mga social media accounts mahitungod nga dire manla gihapon ine magagamit ha pangangampanya online.
