TACLOBAN CITY – Naglunsar an Commission on Elections (Comelec) hin training ha maabot 3,850 public school teachers ha Eastern Visayas nga magsisirbe kumo members of the Electoral Board para ha May 9, 2022 election.
An mao nga ihap han mga magturutdo in 14.7 percent pala out of 12,542 nga mga magturotdo nga ginrerequired nga mag-undergo hin training kun patiunan-o mag operate han vote-counting machines (VCMs).
Sumala kan Jenette Faroila Ruedas, tagapagyakan han COMELEC Regional Office, nga ha 3,850 nga mga naka-kompleto han training, 2,020 dinhi in tikang ha Leyte province; 600 Northern Samar; 150 ha Eastern Samar; ngan 1,080 in tikang ha Samar.
An mao nga training in nagtikang han Marso 1 ngan maghuhuman naman ine ha katapusan hiton bulan, agud nga masigurado an katalwasan han mga partisipante.
Labot la ha mga lectures, an mao nga mga partisipante in nagpailarom gihapon ha examinasyon, kun diin kalakip dinhe an theoretical ngan practical, kun patiunan-o gamiton an VCMs.
Mababaruan nga ha bug-os nga rehiyon in maabot ha kabug-usan nga 18,813 nga mag magturotdo an magseserbi para ha national ngan local elections, samtang adton mga makapot o mag ooperate la han VCM an required nga mag-undergo hin training.
