TACLOBAN CITY– Magkakamayda hin training-seminar an mga matindog kumo electoral board, chairman ngan poll clerk, ha maabot nga Marso 1-26 kumo kaparti han tiharani nga 2025 Midterm Election.
Sumala kan Province of Leyte, Comelec Officer, Atty. Maria Goritte Cañas, ine in kumo pagsunod ha ginpapatuman nga balaod, nga nagkikinahanglan adton mga magsisirbi nga electoral board, partikular na adton mga magturotdo in may kapas o hibaro nga gumamit han Automated Counting Machine (ACM).
Ginpaangbit pa ni Cañas, nga ha pag-abot naman han Marso 28, ine naman an katikangan han campaign period para han mga local candidates.
Dugang pa hine, magkakamayda gihapon hira hin operation baklas, ngan ha mao gihapon nga adlaw igpapasarang gihapon han ira buhatan, an mga ginbug-os nga committee kontra-bigay.
An nasabi nga mga implementasyon in magdudugay hin 45 ka-adlaw ugsa iton piniliay.
