-- Advertisements --
NATIONAL NEWS– Mahugot nga ginbibiripika hiton Commission on Elections (COMELEC) an report nga nagkamayda hin pagpalit hiton botos nga natabo ha campaign rally ha Hong Kong.
Ginpahayag ni COMELEC chairman George Garcia, naka-karawat ine hin impormasyon nga mayda naghatag hin tag- P1,500 ha mga umatinder ha rally para bumutos hin straight ha usa nga Senate slate.
Gindig-unan hine nga ira pa ginbibiripika hin maupay, ngan nakipagsumpayan na hira ha konsulada ha Hong Kong para berepikahon an nasabi nga report.
Gin-aaghat nala hine an mga nakakita nga makipagsumpayan gihapon ngan maghatag hin mga litrato o video kumo ebidensiya.
