Igin lunsar han Commission on Elections (COMELEC) an imbestigasyon kontra ha tulo nga senador ngan usa nga lokal nga kandidato tikang ha Bulacan nga daw kumarawat hin donasyon para ha pangangampanya tikang ha usa nga kontraktor han gobyerno dida han 2022 elections.
Gin kumpirma ni COMELEC Chairman George Erwin Garcia an pag-iimbestiga pero waray la anay hine ngarani an mga magbabalaod ngan an nasabi nga kandidato mahitungod ha pagigin sensitibo hn kaso.
Sumala kan Garcia, mismo poll body an nagtikang han imbestigasyon nga ginlalauman mahuhuman ha sulod han duha ngada ha tulo kasemana.
Gumawas an istoryahon kadungan han mga report han iregularidad ha mga flood-control projects nga pinonduhan han gobyerno, kun diin dabi an pira nga kontraktor nga may koneksyon gihapon ha pangangampanya han pira nga politiko.
