NATIONAL – Gin kumpirma ni Commission on Election (COMELEC) Chairman George Erwin Garcia nga hi Sebastian “Baste” Duterte an magseserbi nga temporaryo nga alkalde han Davao City, mahitungod an iya tatay, nga hi anay Presidente Rodrigo Duterte, in dire makakapanumpa ngan makakalingkod ha pwesto mahitungod ha presente nga pagkaka-preso ha International Criminal Court (ICC) ha The Hague, Netherlands.
Dugang pa hine, ada na ha Department of Interior and Local Government (DILG) an desisyon kun dire maka-panumpa ngan makakalingkod ha pwesto hi anay Presidente Rodrigo Duterte.
Kasumpay pa hine, basar manggud ha Local Government Code, ‘by operation’, an vice mayor an temporaryo nga magseserbi kumo alkalde ngan tatawagon hi Rodrigo Duterte kumo Mayor-elect.
Dugang pa ni Garcia, mawawarayan na hin hurisdiksyon an poll body ha mga hurar na nga opisyal kun waray hira nakabinbin nga kaso ha komisyon pag-abot han kakaulop nga adlaw, Hunyo 30.
Manunumduman nga ha kaluyo han pagkaka-preso han anay presidente ha International Criminal Court mahitungod han kaso nga crimes against humanity in nagdaog la gihapon ine kumo alkalde han Davao City pinaagi han landslide votes nga sobra 600,000 nga botos.
