Maduon nga igindiwara ni Commission on Elections (Comelec) Chairperson George Erwin Garcia an akusasyon nga kumarawat hiya hin P10 milyon nga tikang ha mga anay bodyguard ngan bagmen ni Zaldy Co.
Ha presscon nga ginpangunahan ni anay Rep. Mike Defensor, nga igin re-rekomenda han COMELEC nga pasakahan hin kaso nga indirect bribery, ginmalatumat han mga nagpakilala nga bagmen nga hira an nagdul-ong han P10 milyon tikang ha flood control projects para kan Garcia.
Sumala kan Garcia, puros buwa an mga alegasyon ngan waray hiya kalabutan ha mga proyekto ha flood control.
Gin kwestyon gihapon niya an magkakaiba nga pahayag han mga bagmen, nga daw han una in nagpahayag nga upat nga maleta an igindul-ong ha iya ha atubangan han Midas Hotel, pero yana in ginpapahayag nga gudti nga bag nala an ginamit.
Iginduon han COMELEC chief nga baga-baga hin mayda nagtututdo ha mga ini kun ano an igpapahayag ngan dire an tinuod nga nahitabo.
