Utro nga aabrihan han Commission on Elections (Comelec) an voters’ registration ha ikatulo kasemana han Oktubre para ha Barangay at Sangguniang Kabataan Elections (BSKE) ha masunod nga tuig.
Sumala kan COMELEC Chairman George Erwin Garcia, ginlalauman an sobra 1.4 miluon nga mga bag-o nga registrants kutob Hulyo 2026, upat kabulan ugsa an piniliay ha Nobyembre 2.
Manunumduman nga nakaghipatik an poll body hin 2.8 milyon nga bag-o nga botante dida han nakalabya nga napulo kaadlaw nga registration drive dida han Agosto, mas hitaas kumpara ha target nga 1.5 milyon.
Sugadman, ginklaro ni Garcia nga an mga bag-o nga registrants in dire makakabotos ha Bangsamoro Parliamentary Elections mahitungod nga nakasurat ha balaod nga an mga botante nga nakalista dida han My 2025 elections la an kaupod hine.
Samtang, ginpaunsang na han COMELEC an iba pa nga pangandaman para ha BSKE pero igpapadayon an procurement, bidding, ngan pag-imprenta han 93 milyon nga balota.
