TACLOBAN CITY – Nanawagan an Commission on Elections (COMELEC) Regional Office 8 ha mga karuyag nga maghost hin debate han mga kandidato ha lokal nga posisyon ha rehiyon nga dumangop la ha ira buhatan.
Sumala kan Jenette Ruedas, tagapagyakan han COMELEC Regional Office 8, andam an ira buhatan nga kumarawat hin mga request para han mga grupo o organisasyon nga karuyag nga maghost hin local candidates debate ha rehiyon.
Dugang pa hini, nga dako an bulig han mga debates ngan forum para mas makilal-an pa han mga botante an ira mga kandidato nga igbobotos ha tidaraon nga eleksyon partikular na an ira mga plataporma ngan mga programa para ha ikauupay han tagsa nga lugar.
Gin-aghat naman hini an publiko nga bantayan an nakatalaan nga presidential debates han COMELEC yana nga Marso 19.
