TACLOBAN CITY – Gin-anunsyo han Commission on Elections (COMELES) Region 8, dida han nakalabay nga adlaw nga ira gin ugsod an paghahatag han Certificate of Candidacy (COC) para ha mga makandidato ha Barangay and Sangguniang Kabataan Elections (BSKE) nga nakatalaan pagbuhaton yana nga Oktubre 2023.
Sumala kan Atty. Nick Mendros, Regional Director hiton Commission on Election (COMELEC) Regional Office 8, gin ugsod an filing ha COCs para han BSKE tikang ha July 3-7 ngada ha Agosto 28 ngada hiton Setyembre 2.
Pira naman daw han ginkonsidera nga ig ugsod an filing in mahitungod han panawagan han mga magbabalaud nga ig-ugsod ine.
Karuyag daw gihapon han COMELEC-8 nga maandaman han ngatanan nga sektor han BSKE, partikular na an Philippine National Police, Armed Forces of the Philippines ngan an mga electoral board member.
Ha sugad daw hine nga pamaagi in mayda pa an mga ine panahon para sirotan an mga kaso nga may koneksyon ha nuisance candidates ngan disqualification cases.
