TACLOBAN CITY– Naka full alert status na an Coast Guard Northern Samar ha posible nga epekto ni Bagyong Ada ha rehiyon.
Sumala kan Lieutenant Junior Grade, Bryhl Amay, PCG Deputy Commander Coast Guard Station Northern Samar, padayon nga nadudugangan an mga pasaheros nga stranded ha ira pantalan kun diin ha pagkayana ada na ine ha 1,167 nga indibidwal.
Dugang pa ni Amay, naglalaom hira nga gutiay nala iton mahidudugang ha nasabi nga mga stranded nga pasaheros, matungod nga nakagbandilyo na hira hin kanselasyon hiton biyahe kakulop nga adlaw.
Samtang mayda naman hira mga rolling cargoes nga naitala nga stranded kun diin naabot ine ha 277, nga ginkokompuner hiton mga buses, ngan mga trucks.
Ginklaro naman hine nga waray mga perishable goods, nga maapektaran matungod nga nakapandeliber na an mga ine, pananglitan magdugay pa an nasabi nga kanselasyon han biyahe.
Ha pagkayana, nakikig koordinar na hira ha mga ha mga LGUs han mga na stranded nga pasaheros, kun mayda an mga ine bulig nga maipapadara para hiton ira residente nga stranded.
Ginpaangbit pa hine nga nakagbandilyo na gihapon hira ha mga nag-uukoy ha mga coastal water areas, ngan parupangisda partikular na adton barahaon ngan landslide prone areas nga mag-evacuate na ha dagmit nga panahon.
Nanawagan naman ine ha publiko partikular na adton mga mabiyahe, nga dire la anay dumayon matungod nga makakadugang la an mga ine ha mga stranded passengers.
