TACLOBAN CITY—Ginpahibaro han Coast Guard Eastern Samar, nga nag resume na an ira operasyon ka mahuman an paglasurbo ni bagyong Kristine ha Sinirangan Bisayas.
Sumala kan Acting Deputy Commander Coast Guard Eastern Samar, Commander Elgene JF Gregorio, yana nga adlaw in balik normal na an biyahe ha tanan nga port ha rehiyon 8, kun diin an urhi nga nag resume in an Coast Guard Biliran ngan Coast Guard Northern Samar.
Subay ha ira datos ada ha 2,596 stranded passengers, an nahipatik han ira buhatan, samtang maabot naman ha 554 nga mga rolling cargoes, 5 nga vessel, ngan 1 nga motor banca.
Ginmalatumat pa han mao nga opisyal nga maabot ha 2 nga indibidwal naman an ira gindeklara nga missing, kun diin an mga ine in taga Eastern Samar, ngan Calabayog City Samar.
Ha pagakyana, padayon an ginhihimo nga search and rescue operation agud nga matad-an na an nasabi nga mga nagkawara.
Ginmalatumat naman hine nga ugsa an mga sugad nga kalamidad, in nagpapagawas naman an ira buhatan hin mga advisory ngan mga precautionary measures agud nga malikayan an pagdamo hiton casualties ngan mga posible nga maapektaran han kalamidad.
