NATIONAL NEWS– Nasabon han Commission on Audit (COA) an Social Security System (SSS) matungod ha pagpalit hine hin 143,424 nga tissue papers nga nagkakantidad hin P13.195 milyon hadton 2024.
Subay ha COA an nasabi nga ihap han tissue paper rolls nga ginpalit in sobra duha kabulan nga kantidad hiton supay nga kinahanglan han SSS.
Matungod hine, waray na sumadang an nasabi nga mga tissue papers ha ira storage facilities.
Nahibaruan gihapon han COA nga an nasabi nga kasarabutan in subay ha verbal agreement ngan waray bisan anu nga suporta nga dokumento o pormal nga memorandum of understanding.
Waray gihapon magsarit an SSS nga mapalit ine hin usa kayukot nga tissue papers.
An nasabi nga kantidad nga ginpalit in makakatagam unta an 2,000 nga mga SSS pensioners o funeral benefits para ha 650 nga mga tumalikod na ha kadayunan nga mga miyembro.
Labot dinhe, nagawas gihapon nga ada ha P3-M na an mga underpayment han SSS funeral benefits.
