TACLOBAN CITY– Ginpangunahan han Climate Justice Walk, nga mayda 20 nga miyembro an paglakaton tikang ha Manila agud nga kumanhi ha Tacloban para maki-usa ha pagtigaman han usa kadekada nga anibersaryo mahuman nga lumasurbo an pinaka-makusog nga bagyo ha kasaysayan an Super Typhoon Yolanda, nga kun diin an Tacloban an nagin sentro han nasabi nga bagyo.
Sumala kan Yves Ano, Founder han Climate Justice Walk, usa nga symbolic ine nga buruhaton para ha paghahatag hin suporta ngan importansya para ha padayon nga pagbakdaw han mga biktima han Super Typhoon Yolanda, ngan ine in tagmo yana nga adlaw.
Gindayaw naman hine iton mga Taclobanon, ha pagigin maisog ngan makusog ha kaluyo han mga gin-agian hiunong han nasabi nga kalamidad.
Nagpadangat naman ine hin mensahe ha publiko kasumpay ha problema hiton climate change, nga seryosuhon ngan tagan hin bug-at, agud nga magkamayda hin solusyon kun patiunan-o ine masosolbar.
