TACLOBAN CITY- Plano han City Housing Tacloban nga mahuman na an ira pandestreber hin mga pabahay yana nga tuig.
Sumala kan Ted Jopson, Head han City Housing Tacloban, nga kun mahihimo in tatalinguhaon han ira buhatan nga mahuman an mao nga panhatag hin pabahay ugsa nga mahuman an presente nga tuig.
Dugang pa han mao nga opisyal nga ine gihapon an plano han City Mayor nga hi Alfred Romuladez, para ha mga nag uukoy ha mga low lying areas ha syudad.
Ginpahimatngunan gihapon han mao nga opisyal an mga residente nga makaka-karawat na han ira pabahay nga kun mahihimo in dayon nga ukyan na han mga ine, agud nga dire mabakante ngan pangawatan.
Sumala pa han mao nga opisyal nga kasagaran nga nagpapakarawat in namagtratrabho dinhe ha syudad rason nga dire nauukyan an mao nga pabahay.
Naghatag naman ine hin suhestyon nga kun pupwede in bisan usa nga miyembro han ira pamliya in igbilin o paatimanan an mao nga pabahay agud nga dire panagawatan ngan magin kanugon.
