TACLOBAN CITY – Ginanunsiyo han City Health Office han Tacloban nga temporaryo laanay nira nga sasadhan an ira opisina para hiton paghingayad hini.
Sumala kan City Health Office Tacloban City, Officer-In-Charge Dra. Glora Fabrigas nga an pagbuhat nira hini nga paghingayad in agud mabalyuan, maayad, ngan mapaupay iton ira opisina para makaghatag pa hin dekalidad nga serbisyo ha mga Taclobanon.
Dugang pa hini nga nakikita nira nga mayda mga parte han ira opisina nga posible makaghatag hin kadelekaduhan kun dire ini maayad ngan mabalyuan.
Samtang, ginpatapod naman han opisyal nga padayon la gihapon an ira pagserbisyo pinaagi han mga district health offices ha siyudad. Kun diin, iton mapakonsulta ngan makuha hin medisina in aadto laanay ha Abucay ngan Sagkahan District Health Center, iton mapabakuna, prenatal ngan Family Planning in aadto ha Pampango Health Station ngan iton Ground floor BOSS Building naman in pagkuha liwat hiton Medical ngan Death certificates.
Ginmalatumat naman ni Dra. Fabrigas, nga nagtikang an ira paghingayad dida han nakalabay nga Setyembre 5 ngan posible gihapon umabot ini 210 diyas o upat ka-bulan
