TACLOBAN CITY– Ginmalatumat han Department of Education DepEd Region 8, nga nakatalaan nga mahuman an klase ha Disyembre 20, 2025.
Sumala kan Jasmin Francisco Calzita Information Officer DEPED Regional Office Vlll, sanglit gin-aabisuhan hine an tanan nga mga eskwelahan nga humanon an ira tanan nga aktibidad kalakip na an Christmas Party celebration ugsa an petsa 20 han presente nga bulan.
Dugang pa hine, dire mangud mawawara an pagselabrar han Christmas Party ha kada tuig, matungod nga nakahigaraan na ine han kadam-an ngan parte gihapon ine han aton tradisyun hiton kapaskuhan.
Nagsuhestyon naman ine, nga himuon nga simple ngan mahinungdanon an selebrasyon ngan dire magin magarbo ngan magasto.
Mababaruan nga damo pa nga mga eskwelahan ha rehiyon an under-recovery pa matungod han nakalabay nga mga bagyo nga umigo ha Sinirangan Bisayas.
Nanawagan naman ine ha mga magturotdo, nga igkonsidera adton mga estudyante nga kulang an resources, nga makabulig ha pagdudumaraon nga Christmas Party, matungod nga ine nga higayon an ginpapamulat han kabataan kinada tuig.
