TACLOBAN CITY – Ginpahayag han Department of Education (DEPED) Regional Office 8 nga nagtikang na an Christmas break han mga estudyante ha pampubliko nga mga eskwelahan ha elementarya ngan sekondarya.
Sumala kan Jasmine Francisco Calzita, tagapagyakan han DEPED 8, kadungan han pagtikang han Christmas break han mga estudyante in nagtikang liwat an pagdumara han in service training han mga magturutdo.
Tungod nga nagtikang na an Christmas break han mga estudyante gin-undang la anay an distribusyon han mga modules ngan igpapadayon ini ha maabot nga Enero 4 sunod nga tuig.
Samtang, mayda naman pipira nga mga bungto ha rehiyon nga padayon la gihapon an distribusyon han mga modules ha mga estudyante tungod nga naapektaran an skedyul hini han ginpatuman nga lockdown.
