SPORTS – Magigin kaparte na han 2024 NBA champion nga Boston Celtics an power forward ngan 1-time Boston Celtics nga hi Chris Boucher mahuman nga pumirma han 1-year, $3.3 million contract.
Hi Boucher in nagin kaparte han Toronto Raptors ha sakob han pito ka-season. Usa hiya ha mga Raptors player nga nag-uli hin championship dida han 2019 kontra ha Golden State Warriors.
Ha pagpapabilin niya ha mao nga koponan, kapot niya an damo nga franchise record sugad han all-time leader ha points (3,256). double-doubles (49), rebounds (1,879), blocks (347), three-pointers (334), field goals (1,518), minuts played (6,546), ngan games played (383) kumo bench player.
Ikaduha gihapon hiya ha tanan nga Raptors player nga may pinakadamo nga nabuhat nga steals (176).
Ginlalauman nga magigin dako nga bulig ha Boston an batikan nga forward, labi na yana nga dire pa nakakabalik Celtics star Jayson Tatum tikang ha iya injury tikang han nakalabay nga playoffs.
