NATIONAL – Makikigbinuligay an Commission on Human Rights (CHR) ha COMELEC agud igduso an katungod-pantawo ha proseso han piniliay, kadungan han utro nga pagpapatyman han kampanya nga Bantay Karapatan sa Halalan (BKH).
Sumala kan CHR Chairperson Richard Palpal-latoc, an piniliay ha Mayo 12 in kinahanglan nga magin pamatuod hin usa nga malimpyo, patas, ngan demokratiko nga proseso.
Panuyo han BKH nga mapahalawig an partisipasyon han mga residente ha pagbotos, labi na an mga PWDs, kalagsan, katutubo nga mga residente, ngan mga preso.
Samtang, utro nga ginpirmahan han CHR ngan Armed Forces of the Philippines (AFP) an kasabutan agud padig-unon an pagpapasarang han hibaro ha katungod-pantawo ha han-ay ha militar.
Ginpahugot gihapon han CHR ngan AFP an transparency pinaagi han Data-Sharing Agreement, nga may panuyo nga mapadagmit an digital nga pagproseso han CHR clearances ngan pakusgon an sumpayan ha pagbayon ha mga kaso han pagtalapas ha katungod-pantawo.
