NATIONAL NEWS– Ginsusubaybayan pinaagi hiton radio challenge han Philippine Coast Guard (PCG) Islander aircraft an nakit-an nga Chinese research vessel nga “ZHONG SHAN DA XUE” nga may kahirayo nga 78.21 nautical miles Sinirangan han Itbayat, Batanes.
Ginmalatumat ni PCG spokesperson for the West Philippine Sea Commodore Jay Tarriela nga gindeploy ni PCG Commandant Admiral Ronnie Gil Gavan an PCG Islander 4177 ha baybayon hiton Batanes para i-monitor an nasabi nga
Chinese research vessel.
Ginprobaran daw han crew hiton PCG Islander nga magpadangat hin radio communication ha barko hiton China, pero ha kaluyo hine, waray la gihapon kabatunan tikang hine.
Gintagan duon han PCG aviators ha ira radio challenge ha Chinese research vessel an kawaray awtoridad para magdumara hin marine scientific research ha sulod han exclusive economic zone (EEZ) han Pilipinas.
