-- Advertisements --
NATIONAL – Ginpapag-hirot han Philippine Space Agecy (PhilSA) an publiko ha posible nga mga debris tikang ha mga ginpalaprak nga rocket han China.
Ha usa nga pahayag, ginkumpirma han PhilSA an paglunsar han Long March 3B/E rocket han People’s Republic of China.
Ginlalauman nga mauntog an mga debris hine ha mga drop zone nga 55 nautical miles tikang ha Patag Island ngan 68 nautical miles tikang ha Rozul Reef.
Ha pagkayana in nag-isyu na hin notice to airmen o NOTAM para ha seguridad han mga aircrafts.
Gin-manduan naman an mga lokal ngan mga LGUs nga dayon mag-report ha oras nga makit-an an mga debris.
Mahugot gihapon nga igin-didiri an close contact ha mga ine matungod nga posible nga may toxic substance an rocket fuel.
