Nahipatik han usa nga US maritime expert nga mag-usa nga ginkakaatubang han barko han Philippine Coast Guard (PCG) nga BRP Cabra an armada han 22 chinese vessels nga nasipatan nga nagbabantay ha Scarborough Shoal, kakulop nga adlaw, Setyembre 19.
Ha usa nga post ha X, iginpaangbit ni US maritime expert Ray Powell nga magpadara an China hin walo nga barko han China Coast Guard ngan 14 nga maritime militia vessels ha lugar.
An presensya han mga barko han China in agud bantayan an bag-o nga gintudlok nga nature reserve hine nga “Huangyan Dao national nature reserve” ha Scarborough Shoal.
Manunumduman nga syahan nga gin anunsyo han China an pagtutudlok hine han nature reserve ha lugar dida han Setyembre 10.
Pero gin baribaran ine han parte han Pilipinas pinaagi han pagsasalwas han panibag-o nga diplomatic protest kontra ha nasabi nga plano han China hadton Setyembre 13.
