Nagdumara an China hin usa nga missle test-fire tikang ha ira nuclear-powered submarine pakadto ha Pacific Ocean dida han Lunes, Hulyo 6.
Nakakarawat dayon an nasabi nga pitad hin pagsukna ngan pagkabaraka tikang ha mga kaharani nga nasud sugad han Japan, Australia, ngan New Zealand. Ginkaalarma han mga ini an padayon nga pagpapasarang han militar han China ha rehiyon.
Mayda sulod an missle nga usa nga dummy warhead. Lumaprak an missle ha international waters ha Pasipiko nga gintalaga kumo designated area. Bisanman, waray ginpagawas nga detalye an China kasumpay ha eksakto nga lokasyon han ginlaprakan hini.
Basar ha report, an missle launch han China in usa nga routine arrangement la para han ira tinuig nga military training. Ginklaro gihapon han ira gobyerno nga an trainin in dire nakadirekta ha bisan ano nga nasud o partikular nga target.
