INTERNATIONAL – Gin-sugo han China an mga airline hini nga diri la anay mag-order hin kadugang nga mga Boeing jets, kumo baton han panibag-o nga 145% nga taripa nga ginhatag han Estados Unidos ha mga produkto tikang ha China.
Sumala ha report, apektado hini an plano nga paghatod han dose-dosena nga mga eroplano ha mga pangunahon nga airline han China sugad han Air China, China Eastern, ngan China Southern tikang dida han 2025 tubtob 2027. Basar gihapon ha report, ginpapa-undang han Beijing an pagpalit han mga piyesa han eroplano tikang ha Estados Unidos.
Ha kaluyo hini, diri pa kumpirmado kun may opisyal naba nga sugo ha pagbawal ha pagpalit han mga aircraft part, pero nababaraka an mga analyst tungod kay posible nga magin epektibo ha programa han C919 han China, nga naglalaom ha mga parte nga tikang ha Amerika.
Bisan paman limitado an nasabi nga epekto ha Boeing posible nga igbalhin an mga eroplano ha iba nga airline.
