NATIONAL – Utro nga ginpahimatngunan han China an Pilipinas ha alyansa hine ha Amerika ha butnga han panibag-o nga pitad han duha nga nasud ha pagpapahusay pa han military cooperation kadungan han pagbisita ha nasud ni US Defense chief Pete Hegseth.
Gin akusaran han China an PH ngan US ngan ginpapaduro daw han mga ine an tensyon ha rehiyon.
Ginpuna gihapon ni Chinese Foreign Ministry spokesman Guo Jiakun an di pala maiha nga pahayag ni Hegseth nga presente in ada ha 2-day visit ha nasud ngan nanawagan ha Pilipinas nga undangan an daw paghimo hin ‘instability’.
Anuman daw an kooperasyon nga mayda an US ngan PH in dire dapat hine ig target o gubaon an anuman nga third party, likayan an pagpaasarang hin mga akusasyon nga mga himo-himo la nga tarhug para magduso hin komprontasyon ha kaalyado hine nga magpaduro han tensyon ha rehiyon.
Igin rason pa han Chinese official nga an kalayaan ha paglalayag ngan pagpapalupad in dire bisan sanuman problema ha gin aagawas nga kadagatan.
