GUANGDONG, CHINA – Ginbitay han China an upat pa nga miyembro han notorious mafia family ha Myanmar.
Kaupod an mga ini ha Bai family mafia, an numero uno nga notorious dynasties nga nagpapadalagan han scam centers ha Myanmar basar ha report han state media.
Kaupod gihapon an mga ini ha 21 ka-miyembro ngan associates nga ginsirotan hin kamatayon han korte ha Guangdong province para ha kaso nga fraud, homicide, injury ngan iba pa nga krimen.
Dida han Nobyembre 2025, ginsirotan han korte an lima ha ira kaupod an patriarch han nasabi nga clan nga hi Bai Soucheng, nga namatay gihapon mahitungod ha sakit mahuman masirotan.
Samtang dida la han nakalabay nga semana, ginbitay an 11 nga miyembro han Ming family mafia kumo kaparte han crackdown ha scam operations ha South East Asia nga nakapambiktima han yinukoy-yukot nga Chinese.
