Gumawas ha tinuig nga intelligence report han Amerika nga dire ginpaplano ha yana han China nga atakehon an Taiwan ha 2027.
Basar han Annual Threat Assessment report, waray gihapon fixed timeline agud makab-ot an unification o pag-uusa han Taiwan ngan China.
Dida manggud han nakalabay nga tuig in na-flag han US Department of Defense officials nga ha masunod nga tuig an posible nga timeline para ha nasabi nga pafg-atake.
Pero, subay ha reports, maaram an Chinese officials nga magigin makuri ngan mayda hitaas nga tyansa nga mapakyas an pag-atake ha Taiwan pinaagi han dagat, labi na kun makikialam an Amerika.
Nakasurat gihapon ha report nga lantaran nga iginduduon han China nga an unification ha Taiwan in nanginginahanglan nga makab-ot anay ugsa an ira plano para ha national rejuvenation ha tuig-2049, mas maiha nga potensyal nga timeline agud makab-ot an ira panuyo.
Sanglit, iginkokonsidera daw han China an damo nga factors ha nasabi nga desisyon agud atakehon an Taiwan kaupod an kaandaman han military, pulitika ha isla, ngan kun makikialam an Estados Unidos.
