SPORTS–Nakabawi an China tikang ha 11 ka puntos nga diperensiya agud nga pirdehon an Chinese Taipai ha iskor nga 100-93, ha FIBA World Cup Asian Qualifiers nga ginbuhat dide ha Pilipinas.
Ine an ikaduha nga sunod nga pagdaog han China ha second window mahuman han ira mulay vs Japan, ngan humitaas ha 2-2 standing, samtang umubos naman ha 1-3 an Chinese Taipei.
Ginpangunahan ni Zhu Junlong an team han China ha 19 ka puntos, samtang nagdugang hi Hu Jinqiu hin 15 ka puntos ngan 6 ka rebounds.
Dugang pa hine, nakakuha gihapon hin 13 ka puntos hi Zhao Jiewei.
Samtang, nasayang naman an 26 ka puntos ni Ray Chen ngan 19 ka puntos ngan 11 ka rebounds ni Brandon Gilbeck.
Ha mulay, nagkamayada hin 11 ka puntos nga abante an Chinese Taipei ha third quarter, pero nakalanat an China.
Ha katapusan, duha ka free throws an ginhatag la ha China.
