TACLOBAN CITY – Arestado an usa nga Chief Tanod han Brgy. Sta. Rosa, Barugo, Leyte mahuman nga panawtawon hine an usa an hiya kainom.
Ginkilala an suspek kan Anesito Cañeda, 65-anyos an pangidaron, Chief Tanod ngan residente han nasabi nga barangay, samtang ginkilala naman an suspek kan Jason Panis, 41-anyos an pangidaron ngan residente gihapon han nasabi nga barangay.
Sumala kan PCpl. Jared Cardenes, Duty Investigator han Barugo Municipal Police Station, nagkamay-ada hin argumento an suspek ngan biktima rason han pagpanawtaw hine ha biktima.
Basar naman ha ginbuhat nga inisyal nga imbestigasyon han mga otoridad, nag-iirignom an suspek ngan biktima ha panimalay hiton suspek han magkamay-ada hin argumento an duha kun diin ginpanawtaw hine hin bolo an biktima nga naigo naman ha wala hine nga kamot.
Dayun naman nga gin dara ha pinakaharani nga hospital an biktima samtang naaresto naman an suspek ha lugar han panhitabo.
Ada naman na ha kustodiya han kapulisan an suspek ngan papasakahan ine han kaangayan nga kaso.
