ODD NEWS- Usa nga Italian chef nga ada ha Fort Lauderdale, Florida, an opisyal nga nakapagtala hin Guinness World Record mahuman ine nga mag-display hin ginatos-gatos nga klase hiton Tiramisu.
Hi Chef Marco Casula, han Café Del Mar, in malinampuson nga nakaghimo hin 160 nga magkalain-lain nga variations han Tiramisu.
Ginkilala han Guinness an iya nahimo kumo largest display of Tiramisu varieties ha bug-os nga kalibutan.
Gindumara naman an record attempt hadton October 24, ha pakikibinuligay han “World of Tiramisù,” nga mga host han Tiramisu World Cup.
Agud nga mabuong an rekord, kinahanglan nga sobra 100 han magkalain-lain nga klase an mahimo ni Chef Casula.
An mga Tiramisu in igin-atubang nga mayda backdrop nga Roman Colosseum, kumo pagselebrar han Italian culture.
Pira ha mga kakaiba nga flavor nga iya nahimo an may halo nga 18 karat gold, matcha, Moscow Mule, mango blackberry passionfruit, ngan pistachio chia cereal coconut.
