Gin anunsyo han Commission on Higher Education (CHED) nga dire la anay nira tutugutan nga maghitaas hin matrikula an mga higher education institution (HEIs) ha nasud ha butnga han nae-eksperyensyahan nga krisis.
Ha usa nga presscon kasumpay han mga bag-o nga programa han edukasyon, ginmalatumat ni CHED Chairperson Shirley Agrupis nga damo unta nga HEIs an naghangyo nga makagpahitaas han turition mahitungod ha paghitaas han gastos ha operasyon.
Sugadman, gin hangyo han CHED ha mga iskuylahan nga igdelatar la anay an anuman nga plano han tuition increase mahitungod nga dire ini an sakto nga panahon ha atubangan han naeeksperyensyahan nga economic challenges.
Sumala klan Agrupis, naipaabot na nira an panawagan ha mga institusyon ngan naiintindihan naman ini han mga iskuylahan.
Gin sigurado gihapon han CHED nga padayon an ira pakikigsumpaya ha mga HEIs agud batunon an mga istoryahon kasumpay han matrikula ngan masigurado nga dire maaapektaran hin duro an mga istudyante.
