HEALTH NEWS – An genital HPV in usa ha ordinaryo nga virus nga naipapasa pinaagi ha pakikipag-hilawas ha genital kaudgan in ha panahon hiton vaginal ngan anal sex.
Mababaruan nga maabot 40 nga klase hiton HPV an posible nga maka-apekto ha mga genital area han kalalakin-an ngan kababayen-an.
Mayda liwat nga klase hiton HPV nga waray hinungdan nga mga sintomas ngan iba liwat hine in nagigin-hinungdan hiton kanser ha cervical ha mga kababayen-an.
Samtang an iba naman nga klase hiton HPV in pwede nga magin hinungdan han mga warts ha mga genital area han mga kalalakin-an ngan kababayen-an nga gintatawag nga genital wart
An HPV in durot han 100% nga mga kaso han cervical cancer,subay ha “Human Papillomavirus and Related Diseases Report” nga iginlunsar han ICO Information Centre ha Barcelona, Spain. Ine gehapon an nagdudurot hin iba pa nga kanser ha kinatawo han babaye ngan lalaki.
Sugadman damo nga mga tawo an may HPV an dire nakikita-an hin sintomas pero may posibelidad naman ine nga makapanapon.
Mababaruan nga ha nasod Pilipinas in naikaduha an cervical cancer ha breast cancer, ine an ika-duha nga pangunahon nga hinungdan han kamatayon han mga kababayen-an nga may kinalabutan ha kanser.
Sanglit nga naglunsar an Department of Health, pinaagi hin pakikipagbinuligay ha magkadurudilain nga organisasyon, agud nga magkamayda hin immunization program nga nagpapanuyo hin quadrivalent HPV vaccine ha mga eskwelahan ha bug-os nga kalibutan agud nga matagan hin proteksyon an mga kababayen-an kontra ha ha mga sakit nga durot han HPV infections.
