NATIONAL NEWS– Nanawagan an Catholic Bishops’ Conference of the Philippines (CBCP) ha gobyerno nga tagan hin panahon an pagpapatuman hin balaod ha anti-trafficking kadungan han pagdumdom han National Day of Prayer and Awareness Against Human Trafficking (NDPAHT).
Sumala kan Bishop Socrates Mesiona, chairman han CBCP Episcopal Commission for the Pastoral Care of Migrants and Itinerant People (ECMI), kinahanglan nga unahon hiton gobyerno an proteksyon ha dignidad han publiko ngan pagtutok ha ugat hiton human trafficking sugad hiton kakurian, kakulangan hin trabaho ngan iba pa nga problema.
Dugang pa hine, damo nga mga Pilipino an nauuwat ha peke nga patapod ha trabaho ngan opurtunidad, labi na ha mga apektado han kakurian, karaway hiton edukasyon armed conflict, kalamidad ngan sayop nga paggamit han digital platform.
Mababaruan nga ginsisilebrar an NDPAHT kinada syahan nga Domingo hiton Pebreo kumo pahinumdom ha tanan nga diyosesis, parokya, relihiyoso nga komunidad ngan mga Catholic institution nga maki-usa ha pag-ampo ngan pahalarumon pa an hibaro ngan gumios kontra human trafficking.
