Andam daw atubangon ni Senator-Judge Alan Peter Cayetano an nakabantay nga imbestigasyon han National Bureau of Investigation (NBI) kasumpay han daw mga iregularidad ha 2019 Southeast Asian (SEA) Games nga gindumara ha Pilipinas.
Ha pagdungog dida han Hulyo 15, ginmalatumat ni Cayetano nga dire hiya magpapabantad ha mga alegasyon nga iginbabatak ha iya.
“The chilling effect is there. Am I intimidated? Wala na akong choice. Ilalaban ko na ito. Bumaliktad man ang sitwasyon,” sumala kan Cayetano.
Dugang pa hini, “Kung may anomalya, ako ang unang magagalit.”
Manunumduman nga gin iimbestigahan han NBI an mga iregularidad ha paggamit han pondo para ha usa nga sports complex ha New Clark City, Tarlac nga ginamit han mga atleta dida han 2019 SEA Games.
Sumala kan NBI Director Melvin Matibag, may impormasyon hira nga nakarawat nga mayda bilyon-bilyon piso nga pondo may paghisumpay ha proyekto nga waray pa ka-liquidate.
Lumutaw gihapona na alegasyon nga usa nga pribado nga kumpanya an nakakarawat hin gin aalegar P10 bilyon nga bayad hin waray gindudumara nga bidding, pinaagi han congressional insertions.
Labot pa hini, ginmalatumat gihapon han NBI nga utro hini kikitaon an kontrobersyal nga SEA Games cauldron kumo kaparte han ira panginano.
Samtang, gin kwestyon naman ni Senator Pia Cayetano an gin aalegar pressure ngan intimidation nga nae-eksperyensyahan han iya bugto.
“Payag ba tayo sa ganito? Ganito na ba tayo dito ngayon?” sumala kan Sen. Pia Cayetano.
“Why would you allow a director who’s just called to be a witness next week brag that he’s going to investigate (Sen. Alan Peter)?”
