INTERNATIONAL – Ginpapagbayad an Katoliko nga Simbahan hin maabot $76 milyones ha ginatos-gatos nga mga biktima hin sexual abuse ha eastern Canada sumala hiton usa nga pahayag nga igin-pagawas dida han Biyernes, Hulyo 5.
Dida han tuig 2020 in nahisabutan nga responsable an Archdiocese of St. John ha usa nga pinakadako nga child sex abuse scandals ha Canada, partikular na ha Mount Cashel Orphanage, dati nga boy’s orphanage ha Newfoundland ngan Labrador province.
Nahisabtan han korte nga naka-eksperyensya hin mga pan-aabuso sekswal tikang ha mga kapadi-an ngan iba pa nga mga opisyal han simbahan an mga kabataan ha nasabi nga orphanage dida han tuig 1940 ngan nagpadayon pa ini hin pira ka dekada.
Maabot naman ha 292 nga mga biktima an makarawat hin kabaraydan nga maabot ha 55,000 ngada ha 850,000 Canadian dollars.
