BUSINESS–Padayon an pagumento han cash remittances tikang ha mga Overseas Filipino Workers (OFWs) nga umabot hin $2.98 billion han Agosto, mas hataas pa hin 3.2% kumpara ha $2.89 billion han Agosto tuig 2024.
Maabot ha $2.35 billion an gin ambag han mga land-based OFWs.
Samtang, $626 million naman an tikang ha mga sea-based workers.
Ha kabugosan tikang Enero kutob Agosto tuig 2025, sumaka ha $22.91 billion an mga remittances tikang han $22.22 billion han naglabay nga tuig.
An Estados Unidos la gihapon an nangunguna nga tinikangan han mga remittances, ngan sumunod naman an Singapore ngan Saudi Arabia.
Ha kabugosan, umabot ha $25.51 billion an mga personal remittances tikang han Enero kutob Agosto yana nga tuig, mas hataas pa hin 3.1% kumpara han parehas nga panahon han tuig 2024.
