TACLOBAN CITY – Gin klaro han Capoocan Municipal Police Station nga dire vintage bomb nga bumuto an nakasamad ha tulo nga biktima kundi mga buhi nga bato.
Ginkilala an mga biktima kanda Jimmy Abenido, 63-anyos; Jomar Briso, 37-anyos; ngan Julio Briso, 29-anyos, paprehas residente han Brgy. Sto. Niño, Capoocan, Leyte.
Sumala kan Capoocan Municipal Police Station Officer in Charge, PLt. Ricardo Lapuz, nagtatagay-tagay an mga biktima han manumduman han mga ine nga magluto hin itik kumo sumsuman, kun diin nag set-up an mga hin tulo nga bato kumo sun-aran.
Dida han pagsun-ad han mga ine han ira ginluluto, napansin nira nga mayda nagbubuto-buto hin gutiay hasta nga bumuto ine hin makusog rason han kasamari han mga tulo nga biktima.
Kun diin, samtang nagtitika-paso daw an mga bato in bumuto ine rason nga tumalsik an mga gudti nga bato ha mga biktima.
Ha pagkayana in presente naman nagpapa-upay an mga biktma ha Eastern Visayas Medical Center (EVMC).
