TACLOBAN CITY – Ginpahayag han Bureau of Fisheries and Aquatic Resources (BFAR) Regional Office 8 nga nagpositibo ha red tide toxin an Cancabato Bay ha syudad han Tacloban.
Ini in subay ha resulta han ginbuhat nga laboratory examination han BFAR 8 Regional Marine Biotoxin Laboratory.
Mahitungod hini, ginpahimatngon han BFAR nga igindidiri an pagkuha, pagpalit, pagbaligya, ngan pagkaon han bisan ano nga klase hin pangtion ngan alamang o hipon tikang ha mao nga baybayon.
Igintutugot naman an pagkaon han isda, masag, noos ngan pasayan tikang ha Cancabato bay pero kinahanglan nga hugasan ngan lutuon ini hin maupay.
Ha pagkayana in padayon naman an ginbubuhat nga monitoring han BFAR 8 ha mao nga baybayon agud nga malikayan an shellfish poisoning ngan maprotektaran an shellfish industry.
