Para kan House Prosecutor ngan Manila 3rd district Rep. Joel Chua, maupay nga tugutan gihapon an camera han media ha sakob han Senate Impeachment Court samtang gindudumara an trial kan Vice President Sara Duterte agud mas maipakita an transparensiya.
Ginpahimatngun ni Chua nga hadton panahon han impeachment trial kanda anay Pres. Joseph Estrada ngan anay Chief Justice Renato Corona in gintutugotan an camera han mga news organizations ha sakob han korte.
Yana in gindidid-an na ha sakob han korte an mga camera han television networks ngan iba pa nga news organizations sangkit naglalaum la an mga ini ha official Senate video feed.
Duon ni Chua, kinahanglan in pabay-an an mga media nga himuon an trabaho nira mahitungod nga importante nga makit-an han publiko an kabug-usan nga impeachment trial ngan dire kun ano la an mga nakukuha han usa nga official camera han Senado.
