-- Advertisements --
TACLOBAN CITY – Andam na an bukid-arampuan han Brgy 39 Calvary Hill Tacloban City para han pagsalin-urog han Semana Santa 2026.
Sumala kan Kapitan Chuck Diaz han Brgy. 39 Calvary Hill Tacloban City, dida han nakalabay nga adlaw in naglimpyo ngan nag-ayad na hira han aragian tikadto ha tuktok han bukid, ngan mayda nala paguru-gudto nga limpyuhon.
Mayda gihapon nakatudlok nga mga Brgy. Tanod nga magsisiguro han katalwasan ngan seguridad han publiko agud mapabilin nga mahimyang an pagsalin-urog han Semana Santa.
Labot pa hini, mayda gihapon igpapasarang nga mga kapulisan, bombero, ngan iba pa nga law enforcement unit ha Calvary Hill agud masigurado an kahap-id han holiday.
