TACLOBAN CITY – Ginkalipay han pira nga coaches an nagin mapaso nga pagkarawat han mga eskwelahan ha ira pag-abot para han prestihiyoso nga mulay yana nga semana.
Sumala kan Marilyn Tahil, Education Supervision, Division Sports Officer- Calbayog City, nga maliapayon gihapon hira matungod na gihapon ha pagpapakita hin suporta han pira nga mga dagko nga opisyales han ira lugar para ha mga atleta.
Ginpaangbit naman hine nga maabot hira ha 772 nga mga delegado para han Calbayog City Division.
Ginpahibaro naman hine nga mayda makakarawat nga incentives an mga atleta nga nakakakuha hin medalya, ngan makakarawat han mga ine mismo ha pagkakahuman han ira nagigin mulay ha mao nga adlaw.
Maabot naman ha P1000 para ha bronze medal, P1500 silver, ngan P2000 naman para ha gold medal.
