TACLOBAN CITY – Arestado an usa nga sundalo mahuman hini nga tahapan nga “aswang” ngan pusilon an usa nga miyembro han CAFGU Active Auxiliary (CAA) ha mismo kampo hini ha 93rd Infantry Battalion 8th Infantry Division, Sitio Mahanagdong, Brgy. Tongonan, Ormoc City.
Ginkilala an biktima nga hi CAA2 Jomar Yubal, 24 anyos an pangidaron, residente han Brgy. San Joaquin, Capoocan, Leyte samtang ginkilala naman an suspek nga hi SSgt. Aldrin Madrid, 37 anyos, AFP enlisted personnel ngan residente han Brgy. Buenos Iris, Victoria, Northern Samar.
Sumala kan Pol. Maj. Joel Talagon, tagapagyakan han Ormoc City Police Office, magkaupod an suspek ngan biktima nga nagtatagay hin makahurubog nga irimnon han magkaada hin hallucination an suspek kun diin aswang an pagkita hini ha biktima nga naging rason para pagpusilon niya ini.
Dayon nga naawatan hin kinabuhi an biktima tungod han naangkon nga igo hin bala ha parte han iya lawas.
Ha pagkayana in ada na ha kostudiya han mga kapulisan an sundalo nga suspek ngan naatubang na ha kaangayan nga disposisyon
