-- Advertisements --
TACLOBAN CITY – Arestado an usa nga suspek ha gindumara nga buy-bust operation han mga otoridad ha Brgy. 1&4 Old Maritima, Tacloban City.
Ginkilala an suspek kan alyas Oming, 46-anyos an pangidaron, ngan residente han Calvary Hill, Tacloban City.
Sumala kan Tacloban City Police Office City Affairs and Development Unit Head, PLt.Col. Allan Camasin, usa nga street-level drug personality an suspek ha Brgy. 1&4 Old Maritima, Tacloban City.
Nakuha naman haiya an siyam ka-sachet han gin aalegar nga shabu nga mayda kabug-aton nga 5 ka-gramos, ngan mayda estimated market value nga P34,000.
Napasakahan naman na hin kaso ha pagtalapas han RA 9165 o Comprehensive Dangerous Drugs Act of 2002 an suspek.
